Ngā Mahi e Tutuki ai ngā Ritenga
Ngā Mahi e Tutuki ai ngā Ritenga
E tautokona ai koe e mātou, — ētahi mema rānei o tō whānau — me mātua Whai Mahi e Tutuki ai ngā Ritenga.
He Whakamārama mō Ngā Mahi e Tutuki ai ngā
E rua ngā momo Mahi e Tutuki ai ngā Ritenga:
- Ngā Mahi o Ia Rā e Tutuki ai ngā Ritenga
- Ngā Mahi Hōia e Tutuki ai ngā Ritenga.
Ehara i te mea kia rua rawa ō momo Mahi e Tutuki ai ngā Ritenga, e tautokona ai koe. Ahakoa te momo, o aua momo e rua, ka āhei koe.
Kei te āhua o ō mahi whāiti te āhua o te tautoko i a koe, tae atu ki:
- te wāhi i mahi koe hei hōia
- te wā i mahi koe hei hōia.
Me tutuki hoki i a koe ngā ritenga takitahi mō ia mahi hōia, mō ia whiwhinga rānei.
Te Taurima
E tukua ai he pūtea mō te taurima i tētahi mate, me hono tō wharanga, tō māuiui rānei ki tētahi Mahi e Tutuki ai ngā Ritenga.
Ngā mate e āwhinatia ai te tangata e mātou
Te Takoha mō Ngā Haere Whakamaumahara
E whiwhi ai koe ki Te Takoha mō Ngā Haere Whakamaumahara, me mātua:
- whai Mahi Hōia e Tutuki ai ngā Ritenga
- haere koe ki tētahi āhuatanga e pā ana ki Ngā Mahi Hōia e Tutuki ai ngā Ritenga e whakamaumaharatia nā e koe.
Ngā Mahi Hōia e Tutuki ai ngā Ritenga
Kua whai Hōia e Tutuki ai ngā Ritenga koe, me i tonoa koe ki tētahi wāhi i kīa kua tutuki i reira ngā ritenga mō te Mahi Hōia e Tutuki ai ngā Ritenga.
Rārangi o Ngā Mahi Hōia e Tutuki ai ngā Ritenga [English]
Tirohia tō āhei
Ko te ara ngāwari rawa kia mārama ki ngā tautoko ka whakawhiwhia pea ki a koe, he tiro ki tō āhei ki te ipurangi. Ka haere tēnei uiui mō ētahi meneti ruarua noa.
He pēhea e whakataungia ai Ngā Mahi Hōia e Tutuki ai ngā Ritenga
Ka whakataungia "kua tutuki ngā ritenga" o tētahi mahi hōia i runga anō i tōna taumata mōrearea kua arotakea.
- I muri tonu mai i te whakatau kia tonoa he ope, me tuku pūrongo te Manukura o te Ope Hōia ki te Minita mō ngā Mōrehu Hōia i runga i te kakama. Mā tēnei pūrongo e arotake ngā mōrearea mahi hōia, horopaki hoki ki ngā hōia ka tonoa ki te pakanga. Ka taea hoki te arotake ngā tononga kua mutu kē noa atu.
- Ka riro mā te Minita mō ngā Mōrehu Hōia e whakatau mehemea he mōrearea wharanga ki ngā tāngata i tono ki te pakanga.
- Mā te Minita mō ngā Mōrehu Hōia e puaki he Mahi Hōia e Tutuki ai ngā Ritenga taua mahi, ki te tutuki i a ia te paerewa mōrearea. Ka pānuitia tēnei puaki i te paetukutuku o Te Tira Ika A Whiro.
Mehemea kāore ō Mahi Hōia e Tutuki ai ngā Ritenga — ā, kāore i uru ki ngā ope hōia i mua i te 1 Āperira 1974 — te āhua nei e kore koe e āhei kia tautokona e mātou.
Tērā pea i tonoa koe ki tētahi mahi hōia kāore anō kia puakina he Mahi Hōia e Tutuki ai ngā Ritenga. Me waitohu mai mō tā mātou niureta kia rongo koe i ngā kōrero mō ā mātou mahi, kia mōhio hoki koe ki ngā puakanga mō Ngā Mahi Hōia e Tutuki ai ngā Ritenga.
Waitohu mai mō tā mātou niureta [English]
Me i uru koe ki ngā ope hōia i mua i te 1 Āperira 1974 — ahakoa i hea — kua whai Mahi Hōia o Ia Rā e Tutuki ai ngā Ritenga koe.
Mehemea he wharanga, he māuiui rānei ōu i takea mai i ō mahi, ka whiwhi āwhina pea koe i ACC.
Te Pae Tukutuku o Te Kāporeihana Āwhina Hunga Whara [English](external link)
Ngā Mahi o Ia Rā e Tutuki ai ngā Ritenga
Me i uru koe ki ngā ope hōia o Aotearoa i mua i te 1 Āperira 1974 — ahakoa i Aotearoa, i tāwāhi rānei — kua whai Mahi o Ia Rā e Tutuki ai ngā Ritenga koe.
E kī ana ngā tikanga mō Ngā Mahi o Ia Rā e Tutuki ai ngā Ritenga, i mua i te 1 Āperira 1974 kīhai i kapi ngā hōia mō ngā wharanga, ngā māuiui rānei e pā ana ki te mahi. Nā konei, ka tautokona e mātou ngā tāngata i mahi i roto i ngā Ope Hōia o Aotearoa i taua wā.
I mutu noa Ngā Mahi o Ia Rā e Tutuki ai ngā Ritenga i te 1 Āperira 1974, nā te tīmatanga o ACC. Mai i taua wā, nā ACC i hora tautoko ki ngā tāngata katoa o Aotearoa whai wharanga, māuiui rānei e pā ana ki te mahi. Ka toro tēnei kapinga ki ngā tāngata o te NZ Defence Force, o ngā Ope Hōia o Aotearoa rānei.